Vurría sapé pecché si mme vedite,

tacite sempe ‘a faccia amariggiata,

ma vuje, quanto cchiù brutta ve tacite,

cchiù bella, a ll’uocchie mieje, v’appresentate.

I’ mo nun saccio si ve n’accurgite!

Ma cu sti mode, oje Bríggeta,

tazza ‘e café parite:

sotto tenite ‘o zzuccaro,

e ‘ncoppa, amara site.

Ma i’ tanto ch’aggi’ ‘a vutà,

e tanto ch’aggi’ ‘a girà,

ca ‘o ddoce ‘e sott’ ‘a tazza,

fin’a ‘mmocca mm’ha da arrivà.

Cchiù tiempo passa e cchiù v’arrefreddate,

‘mméce ‘e ve riscaldà... “Caffè squisito”,

‘o bbello è ca, si pure ve gelate,

site ‘a delizia d’ ‘o ccafé granito,

facenno cuncurrenza a limunata.

Ma cu sti mode... (2v.)