Ah! Che bell’aria fresca,

ch’addore ‘e malvarosa

e tu durmenno staje,

‘ncopp’a sti ffronne ‘e rosa!

‘O sole, a poco a poco,

pe’ stu ciardino sponta,

‘o viento passa e vasa

stu ricciulillo ‘nfronte!

I’ te vurrìa vasà,

i’ te vurrìa vasà,

ma ‘o core nun mm’ ‘o ddice

‘e te scetà, ‘e te scetà!

I’ mve vurrìa addurmì,

I’ mve vurrìa addurmì,

vicino ‘o sciato tujo,

n’ora pur’i’, n’ora pur’i’.

Sento stu core tujo

ca sbatte comm’a ll’onne!

Durmenno, angelo mio,

chi sa tu a chi te suonne.

‘A gelusia turmenta

stu core mio malato:

te suonne a me? Dimmello!

Oppure suonne a n’ato?

I’ te vurrìa vasà,

i’ te vurrìa vasà,

ma ‘o core nun mm’ ‘o ddice

‘e te scetà, ‘e te scetà!

I’ mve vurrìa addurmì,

I’ mve vurrìa addurmì,

vicino ‘o sciato tujo,

n’ora pur’i’, n’ora pur’i’.