Staje luntana da stu core,

a te volo cu ‘o penziero:

niente voglio e niente spero

ca tenerte sempe accanto a me.

Si sicura è chist’ammore

comm’i so’ sicuro ‘e te.

Oje vita, oje vita mia,

oje core ‘e chistu core.

Si’ stata ‘o primm ‘amore:

e ‘o primmo e ll’ultimo sarraje pe’ me.

Quanta notte nun te veco

nun te sento int’a sti braccia

nun te vaso chesta faccia,

nun t’astregno forte ‘mbraccio a mme?

Ma scetannome ‘a sti suonne,

mme faje chiagnere pe’ te.

Oje vita, oje vita mia,

oje core ‘e chistu core.

Si’ stata ‘o primm ‘amore:

e ‘o primmo e ll’ultimo sarraje pe’ me.

Scrive sempre e sta’ cuntenta,

io nun penzo che a te sola,

nu penziero me cunzola,

ca tu pienze sulamente a me.

‘A cchiù bella ‘e tutt’ ‘e bbelle

nun è maje cchiù bella ‘e te.

Oje vita, oje vita mia,

oje core ‘e chistu core.

Si’ stata ‘o primm ‘amore:

e ‘o primmo e ll’ultimo sarraje pe’ me.