Zitta, stanotte nun dicere niente,

cademe ‘mbraccia, ma senza parlà.

Dormeno ‘e ccose nu suonno lucente,

nu suonno ‘e ‘na notte d’està.

Marì, dint’ ‘o silenzio,

silenzio cantatore,

nun te dico parole d’ammore

ma t’ ‘e ddice stu mare pe’ me!

Dimme: stanotte si’ tutta d’ ‘a mia?

Ll’uocchie tuoje belle me diceno’ ‘e sì.

No, cu’ sta luna, nisciuna buscia

‘sta vocca busciarda po' dì!

Marì, dint' 'o silenzio.

silenzio cantatore,

nun te dico parole d'ammore,

ma t’ ‘e ddice stu cielo pe’ me!

Cielo rispunne, rispunneme mare!

Stelle, pecché nun vulite parlà?

Napule, dimme: so’ ddoci o so’ amare

ste lacrime c'aggio a jettà?

Marì, dint’ ‘o silenzio,

silenzio cantatore,

nun te dico parole d’ammore

ma t’ ‘e ddice ‘o silenzio pe’ me!