I’ nun capisco, e vvote, che succede

e chello ca se vede,

nun se crede! Nun se crede!

É nato nu criaturo niro niro

e 'a mamma 'o chiamma Giro,

sissignore, 'o chiamma Giro.

Seh! Gira e vota, seh!

Seh! Vota e gira, seh!

Ca tu 'o chiamme Ciccio o 'Ntuono,

ca tu 'o chiamme Peppe o Giro,

chillo, o fatto, è niro, niro,

niro, niro comm'a cche!

'O contano 'e ccummare chist'affare:

sti fatte nun só' rare,

se ne contano a migliare!

‘E vvote basta sulo ‘na guardata,

e 'a femmena è restata

sott' 'a botta, 'mpressiunata.

Séh! ‘Na guardata, seh!

Séh! ‘Na 'mpressione, seh!

Va' truvanno mo chi è stato,

ch'ha cugliuto buono 'o tiro:

chillo, 'o fatto, è niro, niro,

niro, niro comm'a cchè!

Ha ditto 'o parulano: «Embè parlammo,

pecché, si raggiunammo,

chistu fatto ‘nce 'o spiegammo!

Addó' pastíne 'o ggrano, 'o ggrano cresce,

riesce o nun riesce,

sempe è grano chello ch'esce!».

Méh! Dillo a mamma, mé'!

Méh! Dillo pure a me!

Conta 'o fatto comm' è gghiutto,

Ciccio, 'Ntuono, Peppe o Giro,

chilI' o' fatto è niro niro,

niro niro comm'a cchè.

Seh! Gira e vota, seh...

'E signurine 'e Caporichino

fanno ammore cu 'e marrucchine,

'e marrucchine se vottano 'e lanze,

e 'e signurine cu 'e panze annanze.

American espress,

damme 'o dollaro ca vaco 'e pressa

sinnò vene 'a pulisse,

mette 'e mmane addò vò isse.

Aieressera a piazza Dante

'o stommaco mio era vacante,

si nun era p’ ‘o contrabbando,

i' mò già stevo 'o campusanto.

E levate 'a pistuldà

uè e levate 'a pistuldà,

e pisti pakin mama

e levate 'a pistuldà.

'E signurine napulitane

fanno 'e figlie cu 'e 'mericane,

nce vedimme ogge o dimane

mmiezo Porta Capuana.

Sigarette papà,

caramelle mammà,

biscuit bambino,

dduje dollare 'e signurine.

A Cuncetta e a Nanninella

lie piacevan' 'e caramelle,

mò se presentano pe' zitelle

e vann'a fernì 'ncopp'e burdelle.

E Ciurcillo 'o viecchio pazzo

s'è arrubbato 'e matarazze

e !l'America pe' dispietto

ce ha scappato 'e pile 'a pietto.

Aieressera magnaje peilecchie

'e capille 'ncopp"e racchie

e capille e capille

e 'o recotto 'e camumilla.

'O recotto, 'o recotto

e 'a fresella cu 'a carna cotta,

'a fresella 'a fresella

e zì moneco ten' 'a zella.

Tene 'a zella 'nnanze e arreto

uffa uffa e comme fete

chillo fete e cane muorto

uè pe ll'anema 'e chillemmuorto.

E levate 'a pistuldà

uè e levate 'a pistuldà,

e pisti pakin marna

e levate 'a pistuldà.