Te voglio bene assaje
R. Sacco - F. Campanella - G. Donizetti
Te voglio bene assaje
R. Sacco - F. Campanella - G. Donizetti
Pecché, quanno mme vide,
te ‘ngrife comm’a gatto?
Nenne’, che t’aggio fatto,
ca nun mme può vedé?
Io t’aggio amato tanto,
si t’amo, tu lo ssaje!
Io te voglio bene assaje
e tu non pienze a me!
Io te voglio bene assaje
e tu non pienze a me!
La notte tutti dormono,
ma io che vuó’ durmire?
Penzanno a nénna mia,
mme sento ascevolí!
Li quarte d’ora sonano
a uno, a duje, a tre.
Io te voglio bene assaje
e tu non pienze a me!
Io te voglio bene assaje
e tu non pienze a me!
Quanno so’ fatto cennere,
tanno mme chiagnarraje.
Sempe addimmannarraje:
Nennillo mio addó’ è?
La fossa mia tu arape
e llá mme trovarraje.
Io te voglio bene assaje
e tu non pienze a me!
Io te voglio bene assaje
e tu non pienze a me!