Quel ca sun dré a cüntavv l’è ‘na storia vera,

de vün che l’è mai stà bùn de dì de no;

e serem conossü visin alla Breda;

lé l’era de Ruguréd e lü su no!

Un dì lü l’avea menada a vedè la fiera

la gh’eva un vestidin culur del trasü;

disse: «Vorrei un krafen, non c’ho moneta»;

«Pronti!», ‘l gh’ha dà dés chili e l’ha vista pü!

Andava a Rogoredo, ‘l cercava i sò dané;

girava per Rogoredo ‘l vusava ‘me ‘n strascé:

«No, no, no, no, non mi lasciar,

no, no, no, no, non mi lasciar mai, mai, mai!

No, no, no, no, non mi lasciar,

no, no, no, no, non mi lasciar mai, mai, mai!».

Triste un mattin d’aprile senza l’amore

gh’era vegnü anca in ment de ‘ndà a ‘negass

là dove el Navili l’è püssé negher,

dove i barcuni poeen no ‘rivà.

E l’era bel fermott de già mò ‘n quart d’ura,

l’era passà anca l’ura de andà a timbrà:

«Mi credi che ‘massàm podi pensà sura;

‘dess vò a tö i mè dés chili, poi si vedrà!».

Andava a Rogoredo, ‘l cercava i sò dané;

girava per Rogoredo ‘l vusava ‘me ‘n strascé:

«No, no, no, no, non mi lasciar,

no, no, no, no, non mi lasciar mai, mai, mai!

No, no, no, no, non mi lasciar,

no, no, no, no, non mi lasciar mai, mai, mai!».