Un dì per sta contrada

passava on bel fioeu

e un mazzolin de ròs

l’ha tràa in sul mè poggioeu. (3v.)

E per trì mès de fila 

e squasi tucch i dì

el passeggiava semper 

domà per vedèmm mì. (3v.)

Vegnùu el cinquantanoeuv 

che guerra desperada

e mì per sta contrada

l’hoo pù vedùu a passà. (3v.)

Un dì pioveva vers sira 

s’ciupavi dal magun 

quand l’è rivàa ‘na lettera

col bord de condizion. (3v.)

Scriveva la sorella 

del pover Luisin

che l’era mort in guera  

de fianch al Castellin. (3v.)

lnn già passàa trì ann 

l’è mort el vedi pù 

epür sto pover coeur

l’è chi ancamò per lù. (3v.)