Deus ti salvet, Maria,

chi ses de gràtzia plena.

De gràtzias ses sa vena

e i sa currente.

Su Deus onnipotente

cun tegus est istadu.

Pro chi t’at preservadu

Immaculada.

Beneita e laudada,

subra a totu gloriosa.

Mama, fiza e isposa

de su Segnore.

Beneitu su fiore

e frutu de su sinu.

Gesus, fiore divinu,

Segnore nostru.

Pregade a Fizu bostru

pro nois pecadores,

chi totu sos errores

nos perdonet.

E i sa gràtzia nos donet

in vida e in sa morte.

Ei sa dìciosa sorte

in Paradisu.

Dio ti salvi, Maria, piena di grazia. Di grazia sei insieme fiume e sorgente. Dio onnipotente con te sempre è sta-to, perciò ti ha preservato immacolata. Benedetta e lodata, gloriosa sopra tutti: madre, figlia e sposa del suo Signore. Benedetto il Fiore che è frutto del tuo seno, Gesù, fiore divino, nostro Signore. Pregate il vostro Figlio per noi peccatori, affinché perdoni tutti i nostri errori. La sua grazia ci doni nella vita e nella morte, e la felice sorte in Paradiso.