Lu suli è già spuntatu ‘nta lu mari

e vui bidduzza mia durmiti ancura.

L’aceddi sunnu stanchi di cantari

e affriddateddi aspettunu ‘cca ‘ffora.

Supra ‘ssu barcuneddu su pusati

e aspettunu quann’è ca v’affacciati.

Lassati stari, nun durmiti chiui

ca ‘menzu a iddi dintra ‘sta vanedda

ci sugnu puru iu c’aspettu a’vvui

ppi vidiri ssa facci accussì bedda.

Passu ‘cca ‘ffora tutti li nuttati

e aspettu sulu quannu v’affacciati.

Li ciuri senza vui nun ponnu stari

su tutti cu la testa a ppinnuluni.

Ognunu d’iddi nun voli sbucciari

si prima nun si rapi ‘ssu balcuni.

Dintra stu puttuneddu su ammucciati

e aspettunu quann’è ca v’affacciati.

Il sole è già spuntato dal mare e voi, bella mia, dormite ancora. Gli uccelli sono stanchi di cantare e infreddoliti aspettano qui fuori. Sono posati su questo balconcino e aspettano che voi vi affacciate. 

Lasciate stare, non dormite più, che in mezzo a loro in questa viuzza ci sono anche io che aspetto voi per vedere questa faccia così bella. Passo qui fuori tutte le notti e aspetto solo il momento in cui vi affacciate. 

I fiori senza di voi non possono stare, sono tutti con la testa penzolante. Ognuno di essi non vuole sbocciare, se prima non si apre questo balcone. Sono nascosti dentro questo portoncino e aspettano che voi v’affacciate.