Vinni la primavera,

li mennuli su n’ciuri

a mia ‘n focu d’amuri

u cori m’addumò.

L’aceddi s’assicutunu

facennu discurseddi

ah, quanti cosi beddi

ca mi fannu ‘nsunnà.

Si maritau Rosa, Saridda e Pippinedda

e lù, ca sugnu bedda, mi vogghiu marità. (2v.)

Oh quanti e quanti giovani

passanu pi ‘sta strada,

nuddu di ‘na taliata

digna la casa mè.

Oh Diu, tra pani e lacrimi

si sfadda la me vita

mi vogghiu fari zita

mi vogghiu marità.

Quannu n’atturna portunu

‘ntra lu quartieri miu

m’affaccia ‘nu disiu

nun pozzu cchiù durmì.

Alleggiu alleggiu grapu

a porta a vanidduzza

vidu ch’è p’Annidduzza

e tornu a lacrimà.